क्रीडा सप्ताह ............

शिशुमंदिर मध्ये मोठ्या उत्साहात क्रीडा सप्ताह पार पडला.

या सप्ताहाचे उद्घाटन माजी विद्यार्थीनी डॉ. ऋद्धी प्रभुणे यांच्या हस्ते क्रीडा ज्योत लावून करण्यात आले. यावेळी मोठ्या गटातील मुलींनी क्रीडा स्पर्धेची ज्योत श्रीमती ऋद्धी प्रभुणे यांच्याकडे सुपूर्त केली.त्यांनी आपल्या मनोगतातून मुलींना व्यायामाचे वा खेळाचे महत्व सांगितले. क्रीडेची प्रतिज्ञा मुलींनी घेतली. . त्यानंतर मुलाने काही कृतियुक्त हालचाली केल्या.

पुढील संपूर्ण आठवड्यात वेगवेगळ्या स्पर्धा घेण्यात आल्या

ससुल्याची शर्यत – शिशुरंजन गट

आईस्क्रिम शर्यत – छोटा गट

अडथळा शर्यत – मोठा गट

वार्षिक सहली

मुलींना शाळेच्या व्यतिरिक्त वेगळा अनुभव मिळावा यासाठी वार्षिक सहलींचे आयोजन केले जाते. मुली आपल्या मैत्रीणसमवेत भरपूर गप्पा मारतात .खेळ खेळतात. तसेच सामजिक जाणीव ठेवून बाग स्वच्छ ठेवणे या सारख्या अनेक गोष्टी मुली न कळत शिकतात.

या वर्षी शिशुरंजन व छोटा गट यांची वार्षिक सहल वानवडी येथील शिवरकर उद्यान येथे गेली होती. तर मोठ्या गटाची सहल डायनोसोर उद्यान येथे गेली होती

प्रकल्प सहल

शिशुमंदिर मध्ये प्रकल्प पद्तीने शिकवले जाते. एखादा विषय घेउन त्यासंदर्भातील कृती, सहली यांचे आयोजन केले जाते. विविध प्रकल्प सहली नेण्यात आल्या.

शिशुरंजन व छोटा गट यांची सहल परिसर प्रकल्पांतर्गत महाराणाप्रताप उद्यान येथे नेण्यात आली होती. मुलींनी बागेतील परिसर वा आजूबाजूचा परिसर हिंडून माहीती घेतली.

वाहन प्रकल्पांतर्गत छोट्या गटाची सहल जोशी रेल्वे म्युझियम येथे नेण्यात आली होती. रेल्वेची माहिती ,रेल्वे रूळ हे सर्व मुलीई उत्सुकतेने पहात होत्या

झाड प्रकल्पांतर्गत मोठ्या गटाची सहल ल.म.कडू याच्या पानशेत येथील विद्याविहार प्रकल्प येथे गेली होती. तेथे मुलीनी मुग्यानच्या वारुळाचे प्रकार, झाडांचे विविध प्रकार, तसेच seeds ball तयार करण्याची पद्धत , शेत नांगरले, बटाटे लावले. एकंदरच सर्व अनुभव मुलींना या सहलीत मिळाले.

प्राणी प्रकल्पांतर्गत शिशुरंजन व छोटा गट सहल आबा बागुल उद्यानात गेली होती. तिथे मुलींनी जंगली प्राण्यांचे पुतळे पाहून त्यंची माहिती घेतली.

दसरा

शिशुमंदिर शाळेमध्ये नवरात्रोत्सव मोठ्या आनंदात साजरा करण्यात आला. मुलींसाठी भोंडल्याचे आयोजन केले होते. पारंपारिक वेशात ऐलोमा पैलोमा, एक लिंबू झेलू बाई, सासुरीच्या वाटे, अक्कण माती चीक्कणमाती, शिवाजी आमुचा राजा या सारखी गाणी म्हणून फेर धरला. त्यांतर खिरापत ओळखून तिचा आस्वाद घेतला. दसऱ्यानिमित्त खंडे नवमी मोठ्या उत्साहात साजरी करण्यात आली. शाळेच्या मुख्याध्यापिका मा. अनघा रानडे ज्यांनी सरस्वतीचे पूजन केले त्याचबरोबर शाळेत मुलींसाठी घेतलेल्या नवीन साधनसाहित्याचे पूजन यावेळेस करण्यात आले. वर्गामध्ये मुलींनी पाटीवरती सरस्वती काढून पाटीपूजन केले. १ ऑक्टोबर ते १० ऑक्टोबर या काळामध्ये शाळेमध्ये 'दान उत्सव ' साजरा करण्यात आला होता. त्यानिमित्त मुलींना घरून एक भांडी तांदूळ आणण्यास सांगितले होते ते सर्व तांदूळ व शिक्षिका व सेविकानी आणलेला डाळ असा एकत्रितरित्या सर्व शिधा ' जिव्हाळा फाऊंडेशन ' च्या प्रतिनिधींकडे विद्यार्थीनींच्या हस्ते सुपूर्त करण्यात आला.यानिमित्ताने मुलींना दानाचे महत्त्व समजावून सांगण्यात आले.

स्वातंत्र्यदिन

शाळेमध्ये स्वातंत्र्य दिन मोठ्या उत्साहात साजरा करण्यात आला. ध्वज प्रणाम, राष्ट्रगीत कवायत त्याचबरोबर मुलींनी वेगवेगळ्या घोषणाही यावेळेस दिल्या. भारत माता की जय भारतीय सेनेचा विजय असो यासारख्या घोषणांनी परिसर दुमदुमला. छोट्याशा मानांमध्ये छोटी तलवार हे सैनिकी मोठ्या उत्साहात मुलींनी सादर केले. मुलींना तिरंग्याची माहिती तसेच 15 ऑगस्ट ची माहिती विविध नेत्यांची माहिती या दिवशी सांगण्यात आली. शिशुरेंजन गटातील श्रुतिका खोले हिने देशभक्तीपर गीत सादर केले

अनोखी राखी पौर्णिमा

शिशु मंदिर हुजूरपागा लक्ष्मी रोड विभागात राखी पौर्णिमेचा कार्यक्रम मोठ्या उत्साहात पार पडला.यावेळी शाळेतील व्यावसायिक पालकांना मुलींनी राखी बांधून सामाजिक बांधिलकी जपली. या पालकांना सन्मानपत्र देऊन त्यांचा गौरव केला. या व्यावसायिक पालकांमध्ये ट्रॅफिक पोलीस, गवळी ,शिंपी ,कंडक्टर, इलेक्ट्रिशियन, रिक्षा चालक आणि वकील सुद्धा होते. हे सर्व व्यावसायिक पालक समाजाला कसे उपयोगी असतात, ते कशी मदत करतात याविषयी मुलींना माहिती सांगून ओळख करून दिली. या कार्यक्रमात पीपीटी द्वारे मुलींना श्रावणी शुक्रवारची माहिती , गोष्ट आणि राखी पौर्णिमेविषयी माहिती दिली. मुलींना राखी बांधून नारळाची वडी दिली,.

शिशुमंदिर मध्ये ५ दिवसांचा गणेशोत्सव मोठ्या आनंदात साजरा करण्यात आला.

गणेशपूजनाने उत्सवाला सुरुवात झाली. मा.मुख्याध्यापिकांसमवेत मुलींनीही गणपतीची पूजा केली. सर्वच गटातील मुलींना गणपतीची माहिती सांगितली. अनलासुराची गोष्ट सांगून दुर्वांचे महत्व मुलींना सांगितले. सलग पाच दिवस रोज गणेशाची आरती व पूजा करण्यात आली. या पाच दिवसात मुलीन कडून विविध कृती करून घेतल्या. गणपतीची गाणी म्हणणे , गणपतीची माहिती सांगणे, गणपतीची गोष्ट सांगणे या सारख्या स्पर्धांचे आयोजान करण्यात आले होते. पाचव्या दिवशी अतिशय भावपूर्ण मनाने मुलीनी लाडक्या गणपती बाप्पाला निरोप दिला.

पालकशाळा

पालकांना मुलींचे संगोपन करताना सोपे व्हावे यासाठी शाळेत पालाकशाळांचे आयोजन केले जाते. या पालाकशाळा मुलींच्या जडणघडणीत खूप मोलाचे मार्गदर्शक ठरतात. या वर्षी दोन पालकाशाळाचे आयोजन केले होते मा.श्रीमती अमिता बेहेरे यांनी पालकाना मुलांशी संवाद साधताना या विषयावर मार्गदर्शन क्ले. म.श्रीयुत राजेंद्र बहाळकर सरांनी यशस्वी आई बाबा याविषयावर अनमोल मार्गदर्शन केले

गोविंदा आला रे आला ....

महाराष्ट्र गर्ल्स एज्युकेशन संस्थेचे ज्योत्स्ना सुरेश डोळ शिशुमंदिर, हुजूरपागा लक्ष्मी रोड विभागात दहीहंडीचा कार्यक्रम मोठ्या उत्साहात पार पडला. मुली राधा कृष्णाची वेशभूषा करून छान नटून आल्या होत्या. गोकुळाष्टमी ची माहिती व गोष्ट सांगितली. मुलींनी कृष्णाची गाणी म्हणून ठेक्यात नाच केला. शाळेतल्या श्रीकृष्णाने दहीहंडी फोडली. बालचमुंनी दहीकाल्याचा प्रसाद खाऊन आनंद लुटला. माननीय मुख्याध्यापिका अनघा रानडे यांनी कार्यक्रमाचे नियोजन केले.

शैक्षणिक साहित्य प्रदर्शन

शिशुमंदिर विभागात शैक्षणिक साहित्य प्रदर्शन आयोजित केले होते .या प्रदर्शनाचे उद्घाटन म .ग. ए . संस्थेच्या अध्यक्षा व शिशुमंदिर शालेय समितीच्या अध्यक्षा माननीय शालिनी पाटील यांच्या हस्ते झाले . पंचज्ञानेंद्रियांवर आधारित मुलींचा सर्वांगीण विकास होण्यासाठी रोज ज्या साहित्य व साधनांचा वापर केला जातो अशा शिक्षककृत साहित्यांची आणि साधनांची मांडणी केली होती.

म . ग . ए . संस्थेच्या विभागातील मुख्याध्यापक ,शिक्षक, शिक्षकेतर तसेच अन्य शाळेतील शिक्षक देखील प्रदर्शन पहाण्यास आले होते. शाळेतील विद्यार्थिनीं पालकांसह बहुसंख्येने प्रदर्शन पहाण्यास उपस्थित होत्या. संस्थेच्या पदाधिकाऱ्यांचे प्रोत्साहन आम्हाला या प्रदर्शनाकरीता मिळाले. शाळेच्या मुख्याध्यापिका माननीय अनघा रानडे यांच्या मार्गदर्शनाखाली सदर प्रदर्शनाची मांडणी केली होती, यासाठी सर्व शिक्षकांनी शैक्षणिक साहित्य निर्मिती केली .

“या चला लोकमान्या..”

महाराष्ट्र गर्ल्स एज्युकेशन सोसायटीच्या, ज्योत्स्ना सुरेश डोळ शिशुमंदिर हुजूरपागा या विभागाने गुरुवार दिनांक १ ऑगस्ट २०२४ रोजी लोकमान्य टिळकांच्या पुण्यतिथीचे औचित्य साधून लोकमान्य टिळकांची कर्मभूमी असलेल्या केसरी वाडा येथे कार्यक्रमाचे आयोजन केले होते. या कार्यक्रमात मोठ्या गटातील मुलींनी लोकमान्य टिळकांची ‘या चला लोकमान्या ...’ ही प्रार्थना म्हंटली. मुलींनी लोकमान्य टिळकांच्या शालेय जीवनातील प्रसंगावर एक नाटुकले मुलींनी सादर केले. याप्रसंगी शिशु मंदिरची माजी विद्यार्थिनी समृद्धी महादेव शिंदे हिने टिळकांचा पोशाख करून बाल सभेचे अध्यक्ष पद भूषविले. तिने मुलींशी, पालकांशी उत्तम संवाद साधला. या कार्यक्रमाला संस्थेच्या सभासद माननीय अरुणा तिवारी, कै. सौ. अश्विनी अरुण देवस्थळे इ इंग्रजी माध्यम प्री प्रायमरी हुजूरपागेच्या मुख्याध्यापिका श्रीमती सविता अनकाईकर, शाळेच्या माजी मुख्याध्यापिका श्रीमती मंजिरी मराठे तसेच लोकमान्य टिळकांच्या पणतु सून व केसरी वर्तमान पत्राच्या संपादिका माननीय कल्पना खरे या उपस्थित होत्या. या कार्यक्रमाला पालकही बहुसंख्येने उपस्थित होते. सर्व कार्यक्रम झाल्यावर सर्व गटातील पालकानी व मुलींनी केसरी वाड्यातील लोकमान्य टिळकांचे जतन केलेल्या गोष्टी चे संग्रहालय पाहिले.

जय जय विठोबा रखुमाई ...

मुली वारकऱ्यांचे पारंपारिक पोशाख करून आल्या होत्या. शिशुमंदिर मध्ये पालखीची मांडणी केली होती . वारकरी, विठ्ठलाचे मंदिर, संत ज्ञानेश्वर, संत तुकाराम यांच्या मूर्ती, तुळशी वृंदावन हे मांडण्यात आले होते. प्रार्थना, भजन, श्लोक, नाच हे घेण्यात आले तसेच संताच्या विविध गोष्टी सांगण्यात आल्या. मुलीनी वेगवेगळ्या आरोळ्या दिल्या.. संत ज्ञानेश्वर महाराज की जय, तुकाराम महाराज कि जय, पांडुरंग वर दे हरी विठ्ठल . दरवर्षी पालखीसाठी एखादा विषय घेऊन त्या अनुसरून मांडणी केली जाते. या वर्षी ‘अन्न हे पूर्णब्रह्म’ हा विषय घेऊन दिंडी काढण्यात आली. यानिमित्ताने संतुलित आहार खाण्याचे महत्व, जंक फूड खाल्ल्याने होणारे त्रास या विषयी माहिती सांगण्यात आली . शाळेच्या परिसरात मुलींनी संतुलित आहाराविषयी विविध घोषणा दिल्या.

कांदा, मुळा ,भाजी अवघी विठाई माझी...
जो घेईल सकस आहार
त्याला कधी न होई आजार...
अन्न हे पूर्णब्रह्म ...

या या निमित्तने वर्गात तसेच मुलींना विविध कृती देण्यात आल्या. मुलींनी घरून पालकांच्या मदतीने पालखी तयार करून सजवून आणण्यास सांगितली होते, तसेच काही मुलीनी झेंडे तयार करून आणले,. शाळेत मुलींनी पताका चिकटवल्या. मुलीना तुळशीचे महत्व सांगून तुळशीचे पान खाण्यास देण्यात आले. अत्यंत उत्साहाने पालखी सोहळा शिशुमंदिर मध्ये साजरा झाला

शाळेचा पहिला दिवस

शिशुमंदिर शाळेचे नवीन शैक्षणिक वर्ष १८ जून २०२४ पासून सुरु झाले. सर्व प्रथम १८ जूनला शिशुरंजन गट, छोट्या गटाची शाळा २० जून, तर मोठ्या गटाची सुरुवात २४ जूनपासून झाली. मुलींच्या स्वागतासाठी निसर्ग थीम वापरून शाळा सजविण्यात आली होती. प्रातिनिधिक स्वरूपात काही मुलींना मा मुख्याध्यापिका श्रीमती अनघा रानडे यांनी औक्षण केले. मुलींच्या स्वागतासाठी कमान ढग, इंद्रधनुष्य ,झाडे,विविध प्राणी लावून सजवली होती. प्रत्येक गटात वर्गाबाहेर selfie point तयार केले होते. वर्गात सर्व मुलीना औक्षण करण्यात आले. वाचनाची आवड मुलींमध्ये निर्माण व्हावी यासाठे शाळेकडून प्रत्येक मुलीला गोष्टीचे पुस्तक व पौष्टीक लाडू देण्यात आले. पालकंच्या मदतीने मुलीनी विविध कृती केल्या. शिशुरंजन गटाने कागदाचे तुकडे जोडून गाडी तयार केली छोट्या गटाने कागदी बेडूक तयार केला. तर मोठ्या गटाने घोटीव कागदाची फोटोफ्रेम तयार केली आणि त्यात मुलीचा फोटो चिकटवला. प्रत्येक कृती पालक व मुलींनी उत्साहाने केली. वर्गात प्रार्थना, गाणी , गोष्टी घेतले. शाळेची ओढ, शाळेत येण्याची प्रचंड उत्सुकता मुलींच्या चेहऱ्यावर दिसत होती. मुली आनंदी, उत्साही होत्या ... शिशुमंदिर शाळेचा परिसर मुलींच्या किलबिलाटाने पुन्हा एकदा गजबजून गेला..